விஷ்வரூபதர்ஷன யோகம் [विश्वरूपदर्शनयोग:]
अर्जुन उवाच
मदनुग्रहाय परमं गुह्यमध्यात्मसंज्ञितम् ।
यत्त्वयोक्तं वचस्तेन मोहोऽयं विगतो मम ।। १ ।।
அர்ஜுந உவாச
மத3நுக்3ரஹாய பரமம் கு3ஹ்யமத்4யாத்மஸம்ஜ்ஞிதம் ।
யத்த்வயோக்தம் வசஸ்தேந மோஹோऽயம் விக3தோ மம ।। 1 ।।
भवाप्ययौ हि भूतानां श्रृतौ विस्तरशो मया ।
त्वत्त: कमलपत्राक्ष माहात्म्यमपि चाव्ययम् ।। २ ।।
ப4வாப்யயௌ ஹி பூ4தாநாம் ச்1ருதௌ விஸ்தரசோ1 மயா ।
த்வத்த: கமலபத்ராக்ஷ மாஹாத்ம்யமபி சாவ்யயம் ।। 2 ।।
एवमेतद्यथात्थ त्वमात्मानं परमेश्वर ।
द्रष्टुमिच्छामि ते रूपमैश्वरं पुरुषोत्तम ।। ३ ।।
ஏவமேதத்3யதா2த்த2 த்வமாத்மாநம் பரமேச்1வர ।
த்3ரஷ்டுமிச்சா2மி தே ரூபமைச்1வரம் புருஷோத்தம ।। 3 ।।
मन्यसे यदि तच्छक्यं मया द्रष्टुमिति प्रभो ।
योगेश्वर ततो मे त्वं दर्शयात्मानमव्ययम् ।। ४ ।।
மந்யஸே யதி3 தச்ச2க்யம் மயா த்3ரஷ்டுமிதி ப்ரபோ4।
யோகே3ச்1வர ததோ மே த்வம் த3ர்ச1யாத்மாநமவ்யயம் ।। 4 ।।
श्रीभगवानुवाच
पश्य मे पार्थ रूपाणि शतशोऽथ सहस्रश: ।
नानाविधानि दिव्यानि नानावर्णाकृतीनि च ।। ५ ।।
ஸ்ரீப4க3வாநுவாச ।
பச்1ய மே பார்த2 ரூபாணி ச1தசோ1ऽத2 ஸஹஸ்ரச1: ।
நாநாவிதா4நி தி3வ்யாநி நாநாவர்ணாக்ருதீநி ச ।। 5 ।।
पश्यादित्यान्वसून्रुद्रानश्विनौ मरुतस्तथा ।
बहून्यदृष्टपूर्वाणि पश्याश्चर्याणि भारत ।। ६ ।।
பச்1யாதி3த்யாந்வஸூந்ருத்3ராநச்1விநௌ மருதஸ்ததா2 ।
ப3ஹூந்யத்3ருஷ்டபூர்வாணி பச்1யாச்1சர்யாணி பா4ரத ।। 6 ।।
इहैकस्थं जगत्कृत्स्नं पश्याद्य सचराचरम् ।
मम देहे गुडाकेश यच्चान्यद् द्रष्टुमिच्छसि ।। ७ ।।
இஹைகஸ்த2ம் ஜக3த்க்ருத்ஸ்நம் பச்1யாத்3ய ஸசராசரம் ।
மம தே3ஹே கு3டா3கேச1 யச்சாந்யத்3 த்3ரஷ்டுமிச்ச2ஸி ।। 7 ।।
न तु मां शक्यसे द्रष्टुमनेनैव स्वचक्षुषा ।
दिव्यं ददामि ते चक्षु: पश्य मे योगमैश्वरम् ।। ८ ।।
ந து மாம் ச1க்யஸே த்3ரஷ்டுமநேநைவ ஸ்வசக்ஷுஷா ।
தி3வ்யம் த3தா3மி தே சக்ஷு: பச்1ய மே யோக3மைச்1வரம் ।। 8 ।।
सञ्जय उवाच ।
एवमुक्त्वा ततो राजन्महायोगेश्वरो हरि: ।
दर्शयामास पार्थाय परमं रूपमैश्वरम् ।। ९ ।।
ஸஞ்ஜய உவாச
ஏவமுக்த்வா ததோ ராஜந்மஹாயோகே3ச்1வரோ ஹரி: ।
த3ர்ச1யாமாஸ பார்தா2ய பரமம் ரூபமைச்1வரம் ।। 9 ।।
अनेकवक्त्रनयनमनेकाद्भुतदर्शनम् ।
अनेकदिव्याभरणं दिव्यानेकोद्यतायुधम् ।। १० ।।
அநேகவக்த்ரநயநமநேகாத்3பு4தத3ர்ச1நம் ।
அநேகதி3வ்யாப4ரணம் தி3வ்யாநேகோத்3யதாயுத4ம் ।। 10 ।।
दिव्यमाल्याम्बरधरं दिव्यगन्धानुलेपनम् ।
सर्वाश्चर्यमयं देवमनन्तं विश्वतोमुखम् ।। ११ ।।
தி3வ்யமால்யாம்ப3ரத4ரம் தி3வ்யக3ந்தா4நுலேபநம் ।
ஸர்வாச்1சர்யமயம் தே3வமநந்தம் விச்1வதோமுக2ம் ।। 11 ।।
दिवि सूर्यसहस्रस्य भवेद्युगपदुत्थिता ।
यदि भा: सदृशी सा स्याद्भासस्तस्य महात्मन: ।। १२ ।।
தி3வி ஸூர்யஸஹஸ்ரஸ்ய ப4வேத்3யுக3பது3த்தி2தா ।
யதி3 பா4: ஸத்3ருசீ1 ஸா ஸ்யாத்3பா4ஸஸ்தஸ்ய மஹாத்மந: ।। 12 ।।
तत्रैकस्थं जगत्कृत्स्नं प्रविभक्तमनेकधा ।
अपश्यद्देवदेवस्य शरीरे पाण्डवस्तदा ।। १३ ।।
தத்ரைகஸ்த2ம் ஜக3த்க்ருத்ஸ்நம் ப்ரவிப4க்தமநேகதா4 ।
அபச்1யத்3தே3வதே3வஸ்ய ச1ரீரே பாண்ட3வஸ்ததா3 ।। 13 ।।
तत: स विस्मयाविष्टो हृष्टरोमा धनञ्जय: ।
प्रणम्य शिरसा देवं कृताञ्जलिर भाषत ।। १४ ।।
தத: ஸ விஸ்மயாவிஷ்டோ ஹ்ருஷ்டரோமா த4நஞ்ஜய: ।
ப்ரணம்ய சி1ரஸா தே3வம் க்ருதாஞ்ஜலிரபா4ஷத ।। 14 ।।
अर्जुन उवाच
पश्यामि देवांस्तव देव देहे सर्वांस्तथा भूतविशेष संघान् ।
ब्रह्माणमीशं कमलासनस्थमृषींश्च सर्वानुरगांश्च दिव्यान् ।। १५ ।।
அர்ஜுந உவாச
பச்1யாமி தே3வாம்ஸ்தவ தே3வ தே3ஹே
ஸர்வாம்ஸ்ததா2 பூ4தவிசே1ஷஸங்கா4ந் ।
ப்3ரஹ்மாணமீச1ம் கமலாஸநஸ்த2 ம்ருஷீம்ச்1ச
ஸர்வாநுரகா3ம்ச்1ச தி3வ்யாந் ।। 15 ।।
अनेकबाहूदरवक्त्रनेत्रं पश्यामि त्वां सर्वतोऽनन्तरूपम् ।
नान्तं न मध्यं न पुनस्तवादिं पश्यामि विश्वेश्वर विश्वरूप ।। १६ ।।
அநேகபா3ஹூத3ரவக்த்ரநேத்ரம்
பச்1யாமி த்வாம் ஸர்வதோऽநந்தரூபம் ।
நாந்தம் ந மத்4யம் ந புநஸ்தவாதி3ம்
பச்1யாமி விச்1வேச்1வர விச்1வரூப ।। 16 ।।
किरीटिनं गदिनं चक्रिणं च तेजोराशिं सर्वतो दीप्तिमन्तम् ।
पश्यामि त्वां दुर्निरीक्ष्यं समन्ताद् दीप्तानलार्कद्युतिमप्रमेयम् ।। १७ ।।
கிரீடிநம் க3தி3நம் சக்ரிணம் ச
தேஜோராசி1ம் ஸர்வதோ தீ3ப்திமந்தம் ।
பச்1யாமி த்வாம் து3ர்நிரீக்ஷ்யம் ஸமந்தா
த்3தீ3ப்தாநலார்கத்3யுதிமப்ரமேயம் ।। 17 ।।
त्वमक्षरं परमं वेदितव्यं त्वमस्य विश्वस्य परं निधानम् ।
त्वमव्यय: शाश्वतधर्मगोप्ता सनातनस्त्वं पुरुषो मतो मे ।। १८ ।।
த்வமக்ஷரம் பரமம் வேதி3தவ்யம்
த்வமஸ்ய விச்1வஸ்ய பரம் நிதா4நம் ।
த்வமவ்யய: சா1ச்1வதத4ர்மகோ3ப்தா
ஸநாதநஸ்த்வம் புருஷோ மதோ மே ।। 18 ।।
अनादिमध्यान्तमनन्तवीर्य मनन्तबाहूं शशिसूर्यनेत्रम् ।
पश्यामि त्वां दीप्त हुताशवक्त्रं स्वतेजसा विश्वमिदं तपन्तम् ।। १९ ।।
அநாதி3மத்4யாந்தமநந்தவீர்ய
மநந்தபா3ஹும் ச1சி1ஸூர்யநேத்ரம் ।
பச்1யாமி த்வாம் தீ3ப்தஹுதாச1வக்த்ரம்
ஸ்வதேஜஸா விச்1வமித3ம் தபந்தம் ।। 19 ।।
द्यावापृथिव्योरिदमन्तरं हि व्याप्तं त्वयैकेन दिशश्च सर्वा: ।
दृष्ट्वाद्भुतं रूपमुग्रं तवेदं लोकत्रयं प्रव्यथितं महात्मन् ।। २० ।।
த்3யாவாப்ருதி2வ்யோரித3மந்தரம் ஹி
வ்யாப்தம் த்வயைகேந தி3ச1ச்1ச ஸர்வா: ।
த்3ருஷ்ட்வாத்3பு4தம் ரூபமுக்3ரம் தவேத3ம்
லோகத்ரயம் ப்ரவ்யதி2தம் மஹாத்மந் ।। 20 ।।
अमी हि त्वां सुरसङ्घा विशन्ति केचिद्भीता: प्राञ्जलयो गृणन्ति ।
स्वस्तीत्युक्त्वा महर्षिसिद्धसङ्घा: स्तुवन्ति त्वां स्तुतिभि: पुष्कलाभि: ।। २१ ।।
அமீ ஹி த்வாம் ஸுரஸங்கா4 விச1ந்தி
கேசித்3பீ4தா: ப்ராஞ்ஜலயோ க்3ருணந்தி ।
ஸ்வஸ்தீத்யுக்த்வா மஹர்ஷிஸித்3த4ஸங்கா4:
ஸ்துவந்தி த்வாம் ஸ்துதிபி4: புஷ்கலாபி4: ।। 21 ।।
रुद्रादित्या वसवो ये च साध्या विश्वेश्विनौ मरुतश्चोष्मपाश्च।
गन्धर्वयक्षासुरसिद्धसङ्घा: वीक्षन्ते त्वां विस्मिताश्चैव सर्वे ।। २२ ।।
ருத்3ராதி3த்யா வஸவோ யே ச ஸாத்4யா
விச்1வேऽச்1விநௌ மருதச்1சோஷ்மபாச்1ச ।
க3ந்த4ர்வயக்ஷாஸுரஸித்3த4ஸங்கா4
வீக்ஷந்தே த்வாம் விஸ்மிதாச்1சைவ ஸர்வே ।। 22 ।।
रूपं महत्ते बहुवक्त्रनेत्रं महाबाहो बहुबाहूरुपादम् ।
बहूदरं बहुदंष्ट्राकरालं दृष्ट्वा लोका: प्रव्यथितास्तथाहम् ।। २३ ।।
ரூபம் மஹத்தே ப3ஹுவக்த்ரநேத்ரம்
மஹாபா3ஹோ ப3ஹுபா3ஹூருபாத3ம் ।
ப3ஹூத3ரம் ப3ஹுத3ம்ஷ்ட்ராகராலம்
த்3ருஷ்ட்வா லோகா: ப்ரவ்யதி2தாஸ்ததா2ஹம் ।। 23 ।।
नभ:स्पृशं दीप्तमनेकवर्णं व्यात्ताननं दीप्तविशालनेत्रम् ।
दृष्ट्वा हि त्वां प्रव्यथितान्तरात्मा धृतिं न विन्दामि शमं च विष्णो ।। २४ ।।
நப4:ஸ்ப்ருச1ம் தீ3ப்தமநேகவர்ணம்
வ்யாத்தாநநம் தீ3ப்தவிசா1லநேத்ரம் ।
த்3ருஷ்ட்வா ஹி த்வாம் ப்ரவ்யதி2தாந்தராத்மா
த்4ருதிம் ந விந்தா3மி ச1மம் ச விஷ்ணோ ।। 24 ।।
दंष्ट्राकरालानि च ते मुखानि दृष्ट्वैव कालानलसन्निभानि ।
दिशो न जाने न लभे च शर्म प्रसीद देवेश जगन्निवास ।। २५ ।।
த3ம்ஷ்ட்ராகராலாநி ச தே முகா2நி
த்3ருஷ்ட்வைவ காலாநலஸந்நிபா4நி ।
தி3சோ1 ந ஜாநே ந லபே4 ச ச1ர்ம
ப்ரஸீத3 தே3வேச1 ஜக3ந்நிவாஸ ।। 25 ।।
अमी च त्वां धृतराष्ट्रस्य पुत्रा: सर्वे सहैवावनिपालसंघै: ।
भीष्मो द्रोण: सूतपुत्रस्तथासौ सहास्मदीयैरपि योधमुख्यै : ।। २६ ।।
அமீ ச த்வாம் த்4ருதராஷ்ட்ரஸ்ய புத்ரா:
ஸர்வே ஸஹைவாவநிபாலஸங்கை4: ।
பீ4ஷ்மோ த்3ரோண: ஸூதபுத்ரஸ்ததா2ஸௌ
ஸஹாஸ்மதீ3யைரபி யோத4முக்2யை: ।। 26 ।।
वक्त्राणि ते त्वरमाणा विशन्ति दंष्ट्राकारालानि भयानकानि ।
केचिद्विलग्ना दशनान्तरेषु संदृश्यन्ते चूर्णितैरुत्तमाङ्गै: ।। २७ ।।
வக்த்ராணி தே த்வரமாணா விச1ந்தி
த3ம்ஷ்ட்ராகராலாநி ப4யாநகாநி ।
கேசித்3விலக்3நா த3ச1நாந்தரேஷு
ஸந்த்3ருச்1யந்தே சூர்ணிதைருத்தமாங்கை3: ।। 27 ।।
यथा नदीनां बहवोऽम्बुवेगा: समुद्रमेवाभिमुखा द्रवन्ति ।
तथा तवामी नरलोकवीरा विशन्ति वक्त्राण्यभिविज्वलन्ति ।। २८ ।।
யதா2 நதீ3நாம் ப3ஹவோऽம்பு3வேகா3:
ஸமுத்3ரமேவாபி4முகா2 த்3ரவந்தி ।
ததா2 தவாமீ நரலோகவீரா
விச1ந்தி வக்த்ராண்யபி4விஜ்வலந்தி ।। 28 ।।
यथा प्रदीप्तं ज्वलनं पतङ्गा विशन्ति नाशाय समृद्धवेगा: ।
तथैव नाशाय विशन्ति लोका स्तवापि वक्त्राणि समृद्धवेगा: ।। २९ ।।
யதா2 ப்ரதீ3ப்தம் ஜ்வலநம் பதங்கா3
விச1ந்தி நாசா1ய ஸம்ருத்3த4வேகா3: ।
ததை2வ நாசா1ய விச1ந்தி லோகா
ஸ்தவாபி வக்த்ராணி ஸம்ருத்3த4வேகா3: ।। 29 ।।
लेलिह्यसे ग्रसमान: समन्ताल्लोकान्समग्रान्वदनैर्ज्वलद्भि: ।
तेजोभिरापूर्य जगत्समग्रं भासस्तवोग्रा: प्रतपन्ति विष्णो ।। ३० ।।
லேலிஹ்யஸே க்3ரஸமாந: ஸமந்தா
ல்லோகாந்ஸமக்3ராந்வத3நைர்ஜ்வலத்3பி4: ।
தேஜோபி4ராபூர்ய ஜக3த்ஸமக்3ரம்
பா4ஸஸ்தவோக்3ரா: ப்ரதபந்தி விஷ்ணோ ।। 30 ।।
आख्याहि मे को भवानुग्ररूपो नमोऽस्तुते देववर प्रसीद ।
विज्ञातुमिच्छामि भवन्तमाद्यं न हि प्रजानामि तव प्रवृत्तिम् ।। ३१ ।।
ஆக்2யாஹி மே கோ ப4வாநுக்3ரரூபோ
நமோऽஸ்து தே தே3வவர ப்ரஸீத3 ।
விஜ்ஞாதுமிச்சா2மி ப4வந்தமாத்3யம்
ந ஹி ப்ரஜாநாமி தவ ப்ரவ்ருத்திம் ।। 31 ।।
श्रीभगवानुवाच
कालोऽस्मि लोकक्षयकृत् प्रवृद्धो लोकान् समाहर्तुमिह प्रवृत्त: ।
ऋतेऽपि त्वां न भविष्यन्ति सर्वे येऽवस्थिता: प्रत्यनीकेषु योधा: ।। ३२ ।।
ஸ்ரீப4க3வாநுவாச
காலோऽஸ்மி லோகக்ஷயக்ருத்ப்ரவ்ருத்3தோ4
லோகாந்ஸமாஹர்துமிஹ ப்ரவ்ருத்த: ।
ருதேऽபி த்வாம் ந ப4விஷ்யந்தி ஸர்வே
யேऽவஸ்தி2தா: ப்ரத்யநீகேஷு யோதா4: ।। ३२ ।।
तस्मात्त्वमुत्तिष्ठ यशो लभस्व जित्वा शत्रून् भुङ्क्ष्व राज्यं समृद्धम् ।
मयैवैते निहता: पूर्वमेव निमित्तमात्रं भव सव्यसाचिन् ।। ३३ ।।
தஸ்மாத்த்வமுத்திஷ்ட2 யசோ1 லப4ஸ்வ
ஜித்வா ச1த்ரூந் பு4ங்க்ஷ்வ ராஜ்யம் ஸம்ருத்3த4ம் ।
மயைவைதே நிஹதா: பூர்வமேவ
நிமித்தமாத்ரம் ப4வ ஸவ்யஸாசிந் ।। 33 ।।
द्रोणं च भीष्मं च जयद्रथं च कर्णं तथान्यानपि योधवीरान् ।
मया हतांस्त्वं जहि मा व्यथिष्ठा युध्यस्व जेतासि रणे सपत्नान् ।। ३४ ।।
த்3ரோணம் ச பீ4ஷ்மம் ச ஜயத்3ரத2ம் ச
கர்ணம் ததா2ந்யாநபி யோத4வீராந் ।
மயா ஹதாம்ஸ்த்வம் ஜஹி மா வ்யதி2ஷ்டா2
யுத்4யஸ்வ ஜேதாஸி ரணே ஸபத்நாந் ।। 34 ।।
संजय उवाच
एतच्छृत्वा वचनं केशवस्य कृताञ्जलिर्वेपमान: किरीटी ।
नमस्कृत्वा भूय एवाह कृष्णं सगद्गदं भीतभीत: प्रणम्य ।। ३५ ।।
ஸஞ்ஜய உவாச
ஏதச்ச்2ருத்வா வசநம் கேச1வஸ்ய
க்ருதாஞ்ஜலிர்வேபமாந: கிரீடீ ।
நமஸ்க்ருத்வா பூ4ய ஏவாஹ க்ருஷ்ணம்
ஸக3த்3க3த3ம் பீ4தபீ4த: ப்ரணம்ய ।। 35 ।।
अर्जुन उवाच
स्थाने हृषीकेश तव प्रकीर्त्या जगत्प्रहृष्यत्यनुरच्यते च ।
रक्षांसि भीतानि दिशो द्रवन्ति सर्वे नमस्यन्ति च सिद्धसङ्घा: ।। ३६ ।।
அர்ஜுந உவாச
ஸ்தா2நே ஹ்ருஷீகேச1 தவ ப்ரகீர்த்யா
ஜக3த்ப்ரஹ்ருஷ்யத்யநுரஜ்யதே ச ।
ரக்ஷாம்ஸி பீ4தாநி தி3சோ1 த்3ரவந்தி
ஸர்வே நமஸ்யந்தி ச ஸித்3த4ஸங்கா4: ।। 36 ।।
कस्माच्च ते न नमेरन्महात्मन् गरीयसे ब्रह्मणोऽप्यादिकर्त्रे ।
अनन्त देवेश जगन्निवास त्वमक्षरं सदसत्तत्परं यत् ।। ३७ ।।
கஸ்மாச்ச தே ந நமேரந்மஹாத்மந்
க3ரீயஸே ப்3ரஹ்மணோऽப்யாதி3கர்த்ரே ।
அநந்த தே3வேச1 ஜக3ந்நிவாஸ
த்வமக்ஷரம் ஸத3ஸத்தத்பரம் யத் ।। 37 ।।
त्वमादिदेव: पुरुष: पुराणस्त्वमस्य विश्वस्य परं निधानम् ।
वेत्तासि वेद्यं च परं च धाम त्वया ततं विश्वमनन्तरूप ।। ३८ ।।
த்வமாதி3தே3வ: புருஷ: புராண:
த்வமஸ்ய விச்1வஸ்ய பரம் நிதா4நம் ।
வேத்தாஸி வேத்3யம் ச பரம் ச தா4ம
த்வயா ததம் விச்1வமநந்தரூப ।। 38 ।।
वायुर्यमोऽग्निर्वरुण: शशाङ्क: प्रजापतिस्त्वं प्रपितामहश्च ।
नमो नमस्तेऽस्तु सहस्रकृत्व: पुनश्च भूयोऽपि नमो नमस्ते ।। ३९ ।।
வாயுர்யமோऽக்3நிர்வருண: ச1சா1ங்க:
ப்ரஜாபதிஸ்த்வம் ப்ரபிதாமஹச்1ச ।
நமோ நமஸ்தேऽஸ்து ஸஹஸ்ரக்ருத்வ:
புநச்1ச பூ4யோऽபி நமோ நமஸ்தே ।। 39 ।।
नम: पुरस्तादथ पृष्ठतस्ते नमोऽस्तु ते सर्वत एव सर्व ।
अनन्तवीर्यामितविक्रमस्त्वं सर्वं समाप्नोषि ततोऽसि सर्व: ।। ४० ।।
நம: புரஸ்தாத3த2 ப்ருஷ்ட2தஸ்தே
நமோऽஸ்து தே ஸர்வத ஏவ ஸர்வ ।
அநந்தவீர்யாமிதவிக்ரமஸ்த்வம்
ஸர்வம் ஸமாப்நோஷி ததோऽஸி ஸர்வ: ।। 40 ।।
सखेति मत्वा प्रसभं यदुक्तं हे कृष्ण हे यादव हे सखेति ।
अजानता महिमानं तवेदं मया प्रमादात्प्रणयेन वापि ।। ४१ ।।
ஸகே2தி மத்வா ப்ரஸப4ம் யது3க்தம்
ஹே க்ருஷ்ண ஹே யாத3வ ஹே ஸகே2தி ।
அஜாநதா மஹிமாநம் தவேத3ம்
மயா ப்ரமாதா3த்ப்ரணயேந வாபி ।। 41 ।।
यच्चावहासार्थमसत्कृतोऽसि विहार शय्यासनभोजनेषु ।
एकोऽथवाप्यच्युत तत्समक्षं तत्क्षामये त्वामहमप्रमेयम् ।। ४२ ।।
யச்சாவஹாஸார்த2மஸத்க்ருதோऽஸி
விஹாரச1ய்யாஸநபோ4ஜநேஷு ।
ஏகோऽத2வாப்யச்யுத தத்ஸமக்ஷம்
தத்க்ஷாமயே த்வாமஹமப்ரமேயம் ।। 42 ।।
पितासि लोकस्य चराचरस्य त्वमस्य पूज्यश्च गुरुर्गरीयान् ।
न त्वत्समोऽस्त्यभ्यधिक: कुतोऽन्यो लोकत्रयेऽप्यप्रतिमप्रभाव ।। ४३ ।।
பிதாஸி லோகஸ்ய சராசரஸ்ய
த்வமஸ்ய பூஜ்யச்1ச கு3ருர்க3ரீயாந் ।
ந த்வத்ஸமோऽஸ்த்யப்4யதி4க: குதோऽந்யோ
லோகத்ரயேऽப்யப்ரதிமப்ரபா4வ ।। 43 ।।
तस्मात्प्रणम्य प्रणिधाय कायं प्रसादये त्वामहमीशमीड्यम् ।
पितेव पुत्रस्य सखेव सख्यु: प्रिय: प्रयायार्हसि देव सोढुम् ।। ४४ ।।
தஸ்மாத்ப்ரணம்ய ப்ரணிதா4ய காயம்
ப்ரஸாத3யே த்வாமஹமீச1மீட்3யம் ।
பிதேவ புத்ரஸ்ய ஸகே2வ ஸக்2யு:
ப்ரிய: ப்ரியாயார்ஹஸி தே3வ ஸோடு4ம் ।। 44 ।।
अदृष्टपूर्वं हृषितोऽस्मि दृष्ट्वा भयेन च प्रव्यथितं मनो मे।
तदेव मे दर्शय देव रूपं प्रसीद देवेश जगन्निवास ।। ४५ ।।
அத்3ருஷ்டபூர்வம் ஹ்ருஷிதோऽஸ்மி த்3ருஷ்ட்வா
ப4யேந ச ப்ரவ்யதி2தம் மநோ மே ।
ததே3வ மே த3ர்ச1ய தே3வ ரூபம்
ப்ரஸீத3 தே3வேச1 ஜக3ந்நிவாஸ ।। 45 ।।
किरीटिनं गदिनं चक्रहस्तम् इच्छामि त्वां दृष्टुमहं तथैव ।
तेनैव रूपेण चतुर्भुजेन सहस्रबाहो भव विश्वमूर्ते ।। ४६ ।।
கிரீடிநம் க3தி3நம் சக்ரஹஸ்தம்
இச்சா2மி த்வாம் த்3ரஷ்டுமஹம் ததை2வ ।
தேநைவ ரூபேண சதுர்பு4ஜேந
ஸஹஸ்ரபா3ஹோ ப4வ விச்1வமூர்தே ।। 46 ।।
श्री भगवानुवाच
मया प्रसन्नेन तवार्जुनेदं रूपं परं दर्शितमात्मयोगात् ।
तेजोमयं विश्वमनन्तमाद्यं यन्मे त्वदन्येन न दृष्टपूर्वम् ।। ४७ ।।
ஸ்ரீப4க3வாநுவாச
மயா ப்ரஸந்நேந தவார்ஜுநேத3ம்
ரூபம் பரம் த3ர்சி1தமாத்மயோகா3த் ।
தேஜோமயம் விச்1வமநந்தமாத்3யம்
யந்மே த்வத3ந்யேந ந த்3ருஷ்டபூர்வம் ।। 47 ।।
न वेदयज्ञाध्ययनैर्न दानैर्न च क्रियाभिर्न तपोभिरुग्रै: ।
एवंरूप: शक्य अहं नृलोके द्रष्टुं त्वदन्येन कुरुप्रवीर ।। ४८ ।।
ந வேத3யஜ்ஞாத்4யயநைர்ந தா3நைர்
ந ச க்ரியாபி4ர்ந தபோபி4ருக்3ரை: ।
ஏவம்ரூப: ச1க்ய அஹம் ந்ருலோகே
த்3ரஷ்டும் த்வத3ந்யேந குருப்ரவீர ।। 48 ।।
मा ते व्यथा मा च विमूढभावो दृष्ट्वा रूपं घोरमीदृङ्ममेदम् ।
व्यपेतभी: प्रीतमना: पुनस्त्वं तदेव मे रूपमिदं प्रपश्य ।। ४९ ।।
மா தே வ்யதா2 மா ச விமூட4பா4வோ
த்3ருஷ்ட்வா ரூபம் கோ4ரமீத்3ருங்மமேத3ம் ।
வ்யபேதபீ4: ப்ரீதமநா: புநஸ்த்வம்
ததே3வ மே ரூபமித3ம் ப்ரபச்1ய ।। 49 ।।
सञ्जय उवाच ।
इत्यर्जुनं वासुदेवस्तथोक्त्वा स्वकं रूपं दर्शयामास भूय: ।
आश्वासयामास च भीतमेनं भूत्वा पुन: सौम्यवपुर्महात्मा ।। ५० ।।
ஸஞ்ஜய உவாச ।
இத்யர்ஜுநம் வாஸுதே3வஸ்ததோ2க்த்வா
ஸ்வகம் ரூபம் த3ர்ச1யாமாஸ பூ4ய: ।
ஆச்1வாஸயாமாஸ ச பீ4தமேநம்
பூ4த்வா புந: ஸௌம்யவபுர்மஹாத்மா ।। 50 ।।
अर्जुन उवाच ।
दृष्ट्वेदं मानुषं रूपं तव सौम्यं जनार्दन ।
इदानीमस्मि संवृत्त: सचेता प्रकृतिं गत: ।। ५१ ।।
அர்ஜுந உவாச ।
த்3ருஷ்ட்வேத3ம் மாநுஷம் ரூபம் தவ ஸௌம்யம் ஜநார்த3ந ।
இதா3நீமஸ்மி ஸம்வ்ருத்த: ஸசேதா: ப்ரக்ருதிம் க3த: ।। 51 ।।
श्री भगवानुवाच
सुदुर्दर्शमिदं रूपं दृष्टवानसि यन्मम ।
देवा अप्यस्य रूपस्य नित्यं दर्शनकाङ्क्षिण: ।। ५२ ।।
ஸ்ரீப4க3வாநுவாச
ஸுது3ர்த3ர்ச1மித3ம் ரூபம் த்3ருஷ்டவாநஸி யந்மம ।
தே3வா அப்யஸ்ய ரூபஸ்ய நித்யம் த3ர்ச1நகாங்க்ஷிண: ।। 52 ।।
नाहं वेदैर्न तपसा न दानेन न चेज्यया ।
शक्य एवंविधो द्रष्टुं दृष्टवानसि मां यथा ।। ५३ ।।
நாஹம் வேதை3ர்ந தபஸா ந தா3நேந ந சேஜ்யயா ।
ச1க்ய ஏவம்விதோ4 த்3ரஷ்டும் த்3ருஷ்டவாநஸி மாம் யதா2 ।। 53 ।।
भक्त्या त्वनन्यया शक्य अहमेवंविधोऽर्जुन ।
ज्ञातुं द्रष्टुं च तत्त्वेन प्रवेष्टुं च परंतप ।। ५४ ।।
ப4க்த்யா த்வநந்யயா ச1க்ய அஹமேவம்விதோ4ऽர்ஜுந ।
ஜ்ஞாதும் த்3ரஷ்டும் ச தத்த்வேந ப்ரவேஷ்டும் ச பரந்தப ।। 54 ।।
मत्कर्मकृन्मत्परमो मद्भक्त: सङ्गवर्जित: ।
निर्वैर: सर्वभूतेषु य: स मामेति पाण्डव ।। ५५ ।।
மத்கர்மக்ருந்மத்பரமோ மத்3ப4க்த: ஸங்க3வர்ஜித: ।
நிர்வைர: ஸர்வபூ4தேஷு ய: ஸ மாமேதி பாண்ட3வ ।। 55 ।।
ऒं तत्सत् । इति श्रीमद्भगवद्गीतासु उपनिषत्सु ब्रह्मविद्यायां योगशास्त्रे
श्रीकृष्णार्जुनसंवादे विश्वरूप दर्शनयोगो नाम एकादशोऽध्याय: ।।
ஓம் தத் ஸத் । இதி ஶ்ரீமத்3ப4க3வத்3கீ3தாஸு உபநிஷத்ஸு ப்3ரஹ்மவித்3யாயாம் யோக3சா1ஸ்த்ரே ஶ்ரீக்ருஷ்ணார்ஜுனஸம்வாதே3 விச்1வரூப த3ர்ச1நயோகோ3 நாம ஏகாத3சோ1ऽத்4யாய: ।।
——————————————————————————————————