தெய்வாஸுர ஸம்பத் விபாக யோகம் [दैवासुरसम्पद्विभागयोग:]
श्रीभगवानुवाच
अभयं सत्त्वसंशुद्धिर्ज्ञानयोगव्यवस्थिति: ।
दानं दमश्च यज्ञश्च स्वाध्यायस्तप आर्जवम् ।। १ ।।
ஸ்ரீப4க3வாநுவாச
அப4யம் ஸத்த்வஸம்சு1த்3தி4ர்க்ஞாநயோக3வ்யவஸ்தி2தி: ।
தா3நம் த3மச்1ச யக்ஞச்1ச ஸ்வாத்4யாயஸ்தப ஆர்ஜவம் ।। 1 ।।
अहिंसा सत्यमक्रोधस्त्याग: शान्तिरपैशुनम् ।
दया भूतेष्वलोलुप्त्वं मार्दवं ह्रीरचापलम् ।। २ ।।
அஹிம்ஸா ஸத்யமக்ரோத4ஸ்த்யாக3: சா1ந்திரபைசு1நம் ।
த3யா பூ4தேஷ்வலோலுப்த்வம் மார்த3வம் ஹ்ரீரசாபலம் ।। 2 ।।
तेज: क्षमा धृति: शौचमद्रोहो नातिमानिता ।
भवन्ति सम्पदं दैवीमभिजातस्य भारत ।। ३ ।।
தேஜ: க்ஷமா த்4ருதி: செள1சமத்3ரோஹோ நாதிமாநிதா ।
ப4வந்தி ஸம்பத3ம் தை3வீமபி4ஜாதஸ்ய பா4ரத ।। 3 ।।
दम्भो दर्पोऽभिमानश्च क्रोध: पारुष्यमेव च ।
अज्ञानं चाभिजातस्य पार्थ सम्पदमासुरीम् ।। ४ ।।
த3ம்போ4 த3ர்போऽபி4மாநச்1ச க்ரோத4: பாருஷ்யமேவ ச ।
அக்ஞாநம் சாபி4ஜாதஸ்ய பார்த2 ஸம்பத3மாஸுரீம் ।। 4 ।।
दैवी सम्पद्विमोक्षाय निबन्धायासुरी मता ।
मा शुच: सम्पदं दैवीमभिजातोऽसि पाण्डव ।। ५ ।।
தை3வீ ஸம்பத்3விமோக்ஷாய நிப3ந்தா4யாஸுரீ மதா ।
மா சு1ச: ஸம்பத3ம் தை3வீமபி4ஜாதோ ஸி பாண்ட3வ ।। 5 ।।
द्वौ भूतसर्गौ लोकेऽस्मिन् दैव आसुर एव च ।
दैवो विस्तरश: प्रोक्त आसुरं पार्थ मे शृणु ।। ६ ।।
த்3வெள பூ4தஸர்கெள3 லோகேऽஸ்மிந் தை3வ ஆஸுர ஏவ ச ।
தை3வோ விஸ்தரச1: ப்ரோக்த ஆஸுரம் பார்த2 மே ச்1ருணு ।। 6 ।।
प्रवृत्तिं च निवृत्तिं च जना न विदुरासुरा: ।
न शौचं नापि चाचारो न सत्यं तेषु विद्यते ।। ७ ।।
ப்ரவ்ருத்திம் ச நிவ்ருத்திம் ச ஜநா ந விது3ராஸுரா: ।
ந செள1சம் நாபி சாசாரோ ந ஸத்யம் தேஷு வித்3யதே ।। 7 ।।
असत्यमप्रतिष्ठं ते जगदाहुरनीश्वरम् ।
अपरस्परसम्भूतं किमन्यत्कामहैतुकम् ।। ८ ।।
அஸத்யம்ப்ரதிஷ்ட2ம் தே ஜகதா3ஹுரநீச்1வரம் ।
அபரஸ்பரஸம்பூ4தம் கிமந்யத்காமஹைதுகம் ।। 8 ।।
एतां दृष्टिमवष्टभ्य नष्टात्मानोऽल्पबुद्धय: ।
प्रभवन्त्युग्रकर्माण: क्ष्याय जगतोऽहिता: ।। ९ ।।
ஏதாம் த்3ருஷ்டிமவஷ்டப்4ய நஷ்டாத்மாநோऽல்பபு3த்3த4ய: ।
ப்ரப4வந்த்யுக்3ரகர்மாண: க்ஷ்யாய ஜக3தோऽஹிதா: ।। 9 ।।
काममाश्रित्य दुष्पूरं दम्भमानमदान्विता: ।
मोहाद् गृहीत्वासद्ग्राहान् प्रवर्तन्तेऽशुचिव्रता: ।। १० ।।
காமமாச்1ரித்ய து3ஷ்பூரம் த3ம்ப4மாநமதா3ந்விதா: ।
மோஹாத்3 க்3ருஹீத்வாஸத்3க்3ராஹாந் ப்ரவர்தந்தேऽசு1சிவ்ரதா: ।। 10 ।।
चिन्तामपरिमेयां च प्रलयान्तामुपाश्रिता: ।
कामोपभोगपरमा एतावदिति निश्चिता: ।। ११ ।।
சிந்தாமபரிமேயாம் ச ப்ரளயாந்தாமுபாச்1ரிதா: ।
காமோபபோ4க3பரமா ஏதாவதி3தி நிச்1சிதா: ।। 11 ।।
आशापाशशतैर्बद्धा: कामक्रोधपरायणा: ।
ईहन्ते कामभोगार्थमन्यायेनार्थसञ्चयान् ।। १२ ।।
ஆசா1பாச1ச1தைர்ப3த்3தா4: காமக்ரோத4பராயணா: ।
ஈஹந்தே காமபோ4கா3ர்த2மந்யாயேநார்த2ஸஞ்சயாந் ।। 12 ।।
इदमद्य मया लब्धमिमं प्राप्स्ये मनोरथम् ।
इदमस्तीदमपि मे भविष्यति पुनर्धनम् ।। १३ ।।
இத3மத்3ய மயா லப்3த4மிமம் ப்ராப்ஸ்யே மநோரத2ம் ।
இத3மஸ்தீத3மபி மே ப4விஷ்யதி புநர்த4நம் ।। 13 ।।
असौ मया हत: शत्रुर्हनिष्ये चापरानपि ।
ईश्वरोऽहमहं भोगी सिद्धोऽहं बलवान् सुखी ।। १४ ।।
அசெள மயா ஹத: ச1த்ருர்ஹநிஷ்யே சாபராநபி ।
ஈச்1வரோऽஹமஹம் போ4கி3 ஸித்3தோ4ऽஹம் ப3லவாந் ஸுகீ2 ।। 14 ।।
आढ्योऽभिजनवानस्मि कोऽन्योऽस्ति सदृशो मया ।
यक्ष्ये दास्यामि मोदिष्ये इत्यज्ञानविमोहिता: ।। १५ ।।
ஆட்4யோऽபி4ஜநவாநஸ்மி கோऽந்யோऽஸ்தி ஸத்3ருசோ1 மயா ।
யக்ஷ்யே தா3ஸ்யாமி மோதி3ஷ்யே இத்யஜ்ஞாநவிமோஹிதா: ।। 15 ।।
अनेकचित्तबिभ्रान्ता मोहजालसमावृता: ।
प्रसक्ता कामभोगेषु पतन्ति नरकेऽशुचौ ।। १६ ।।
அநேகசித்தவி3ப்4ராந்தா மோஹஜாலஸமாவ்ருதா: ।
ப்ரஸக்தா காமபோ4கே3ஷு பதந்தி நரகேऽசு1செள ।। 16 ।।
आत्मसम्भाविता: स्तब्धा धनमानमदान्विता: ।
यजन्ते नामयज्ञैस्ते दम्भेनाविधिपूर्वकम् ।। १७ ।।
ஆத்மஸம்பா4விதா: ஸ்தப்3தா4 த4நமாநமதா3ந்விதா: ।
யஜந்தே நாமயக்ஞைஸ்தே த3ம்பே4நாவிதி4பூர்வகம் ।। 17 ।।
अहङ्कारं बलं दर्पं कामं क्रोधं च संश्रिता: ।
मामात्मपरदेहेषु प्रद्विषन्तोऽभ्यसूयका: ।। १८ ।।
அஹங்காரம் ப3லம் த3ர்பம் காமம் க்ரோத4ம் ச ஸம்ச்1ரிதா: ।
மாமாத்மபரதே3ஹேஷு ப்ரத்3விஷந்தோऽப்4யஸுயகா: ।। 18 ।।
तानहं द्विषत: क्रूरान् संसारेषु नराधमान् ।
क्षिपाम्यजस्रमशुभानासुरीष्वेव योनिषु ।। १९ ।।
தாநஹம் த்3விஷத: க்ரூராந் ஸம்ஸாரேஷு நராத4மாந் ।
க்ஷிபாம்யஜஸ்ரமசு1பா4நாஸுரீஷ்வேவ யோநிஷு ।। 19 ।।
आसुरीं योनिमापन्ना मूढा जन्मनि जन्मनि ।
मामप्राप्यैव कौन्तेय ततो यान्त्यधमां गतिम् ।। २० ।।
ஆஸுரீம் யோநிமாபந்நா மூடா4 ஜந்மநி ஜந்மநி ।
மாமப்ராப்யைவ கெளந்தேய ததோ யாந்த்யத4மாம் க3திம் ।। 20 ।।
त्रिविधं नरकस्येदं द्वारं नाशनमात्मन: ।
काम: क्रोधस्तथा लोभस्तस्मादेतत्त्रयं त्यजेत् ।। २१ ।।
த்ரிவித4ம் நரகஸ்யேத3ம் த்3வாரம் நாச1நமாத்மந: ।
காம: க்ரோத4ஸ்ததா2 லோப4ஸ்தஸ்மாதே3தத்த்ரயம் த்யஜேத் ।। 21 ।।
एतैर्विमुक्त: कौन्तेय तमोद्वारैस्त्रिभिर्नर: ।
आचरत्यात्मन: श्रेयस्ततो याति परां गतिम् ।। २२ ।।
ஏதைர்விமுக்த: கெளந்தேய தமோத்3வாரைஸ்த்ரிபி4ர்நர: ।
ஆசரத்யாத்மந: ச்1ரேயஸ்ததோ யாதி பராம் க3திம் ।। 22 ।।
य: शास्त्रविधिमुत्सृज्य वर्तते कामकारत: ।
न स सिद्धिमवाप्नोति न सुखं न परां गतिम् ।। २३ ।।
ய: சா1ஸ்த்ரவிதி4முத்ஸ்ருஜ்ய வர்ததே காமகாரத: ।
ந ஸ ஸித்3தி4மவாப்நோதி ந ஸுக2ம் ந பராம் க3திம் ।। 23 ।।
तस्माच्छास्त्रं प्रमाणं ते कार्याकार्यव्यवस्थितौ ।
ज्ञात्वा शास्त्रविधानोक्तं कर्म कर्तुमिहार्हसि ।। २४ ।।
தஸ்மாச்சா2ஸ்த்ரம் ப்ரமாணம் தே கார்யாகார்யவ்யவஸ்தி2தெள ।
ஜ்ஞாத்வா சா1ஸ்த்ரவிதா4நோக்தம் கர்ம கர்துமிஹார்ஹஸி ।। 24 ।।
ऒं तत् सत् । इति श्रीमद्भगवद्गीतासु उपनिषत्सु ब्रह्मविद्यायां योगशास्त्रे
श्रीकृष्णार्जुनसंवादे दैवासुरसम्पद्विभागयोगोनाम षोडशोऽध्याय: ।।
ஓம் தத் ஸத்। இதி ஶ்ரீமத்3ப4க3வத்3கீ3தாஸு உபநிஷத்ஸு ப்3ரஹ்மவித்3யாயாம் யோக3சா1ஸ்த்ரே ஶ்ரீக்ருஷ்ணார்ஜுனஸம்வாதே3 தைவாஸுரஸம்பத்3விபா4க3யோகோ3நாம ஷோட4சோ1ऽத்4யாய: ।।
———————————————————————————————————————