விபூதி யோகம் [विभूतियोग:]
श्रीभगवानुवाच ।
भूय एव महाबाहो शृणु मे परमं वच: ।
यत्तेऽहं प्रीयमाणाय वक्ष्यामि हितकाम्यया ।। १ ।।
ஸ்ரீப4க3வாநுவாச ।
பூ4ய ஏவ மஹாபா3ஹோ ச்1ருணு மே பரமம் வச: |
யத்தேऽஹம் ப்ரீயமாணாய வக்ஷ்யாமி ஹிதகாம்யயா ।। 1 ।।
न मे विदु: सुरगणा: प्रभवं न महर्षय: ।
अहमादिर्हि देवानां महर्षीणां च सर्वश: ।। २ ।।
ந மே விது3: ஸுரக3ணா: ப்ரப4வம் ந மஹர்ஷய: ।
அஹமாதி3ர்ஹி தே3வாநாம் மஹர்ஷீணாம் ச ஸர்வச1: ।। 2 ।।
यो मामजमनादिं च वेत्ति लोकमहेश्वरम् ।
असंमूढ: स मर्त्येषु सर्वपापै: प्रमुच्यते ।। ३ ।।
யோ மாமஜமநாதி3ம் ச வேத்தி லோகமஹேச்1வரம் ।
அஸம்மூட4: ஸ மர்த்யேஷு ஸர்வபாபை: ப்ரமுச்யதே ।। 3 ।।
बुद्धिर्ज्ञानमसम्मोह: क्षमा सत्यं दम: शम: ।
सुखं दु:खं भवोऽभावो भयं चाभयमेव च ।। ४ ।।
பு3த்3தி4ர்ஜ்ஞாநமஸம்மோஹ: க்ஷமா ஸத்யம் த3ம: ச1ம: ।
ஸுக2ம் து3:க2ம் ப4வோऽபா4வோ ப4யம் சாப4யமேவ ச ।। 4 ।।
अहिंसा समता तुष्टिस्तपो दानं यशोऽयश: ।
भवन्ति भावा भूतानां मत्त एव पृथग्विधा: ।। ५ ।।
அஹிம்ஸா ஸமதா துஷ்டிஸ்தபோ தா3நம் யசோ1ऽயச1: ।
ப4வந்தி பா4வா பூ4தாநாம் மத்த ஏவ ப்ருத2க்3விதா4: ।। 5 ।।
महर्षय: सप्त पूर्वे चत्वारो मनवस्तथा ।
मद्भावा मानसा जाता येषां लोक इमा: प्रजा: ।। ६ ।।
மஹர்ஷய: ஸப்த பூர்வே சத்வாரோ மநவஸ்ததா2 ।
மத்3பா4வா மாநஸா ஜாதா யேஷாம் லோக இமா: ப்ரஜா: ।। 6 ।।
एतां विभूतिं योगं च मम यो वेत्ति तत्वत: ।
सोऽविकम्पेन योगेन युज्यते नात्र संशय: ।। ७ ।।
ஏதாம் விபூ4திம் யோக3ம் ச மம யோ வேத்தி தத்த்வத: ।
ஸோऽவிகம்பேந யோகே3ந யுஜ்யதே நாத்ர ஸம்ச1ய: ।। 7 ।।
अहं सर्वस्य प्रभवो मत्त: सर्वं प्रवर्तते ।
इति मत्वा भजन्ते मां बुधा भावसमन्विता: ।। ८ ।।
அஹம் ஸர்வஸ்ய ப்ரப4வோ மத்த: ஸர்வம் ப்ரவர்ததே ।
இதி மத்வா ப4ஜந்தே மாம் பு3தா4 பா4வஸமந்விதா: ।। 8 ।।
मच्चित्ता मद्गतप्राणा बोधयन्त: परस्परम् ।
कथयन्तश्च मां नित्यं तुष्यन्ति च रमन्ति च ।। ९ ।।
மச்சித்தா மத்3க3தப்ராணா போ3த4யந்த: பரஸ்பரம் ।
கத2யந்தச்1ச மாம் நித்யம் துஷ்யந்தி ச ரமந்தி ச ।। 9 ।।
तेषां सततयुक्तानां भजतां प्रीतिपूर्वकम् ।
ददामि बुद्धियोगं तं येन मामुपयान्ति ते ।। १० ।।
தேஷாம் ஸததயுக்தாநாம் ப4ஜதாம் ப்ரீதிபூர்வகம் ।
த3தா3மி பு3த்3தி4யோக3ம் தம் யேந மாமுபயாந்தி தே ।। 10 ।।
तेषामेवानुकम्पार्थमहमज्ञानजं तम: ।
नाशयाम्यात्मभावस्थो ज्ञानदीपेन भास्वता ।। ११ ।।
தேஷாமேவாநுகம்பார்த2மஹமஜ்ஞாநஜம் தம: ।
நாச1யாம்யாத்மபா4வஸ்தோ2 ஜ்ஞாநதீ3பேந பா4ஸ்வதா ।। 11 ।।
अर्जुन उवाच ।
परं ब्रह्म परं धाम पवित्रं परमं भवान् ।
पुरुषं शाश्वतं दिव्यमादिदेवमजं विभुम् ।। १२ ।।
அர்ஜுந உவாச
பரம் ப்3ரஹ்ம பரம் தா4ம பவித்ரம் பரமம் ப4வாந் ।
புருஷம் சா1ச்1வதம் தி3வ்யமாதி3தே3வமஜம் விபு4ம் ।। 12 ।।
आहुस्त्वामृषय: सर्वे देवर्षिर्नारदस्तथा ।
असितो देवलो व्यास: स्वयं चैव ब्रवीषि मे ।। १३ ।।
ஆஹுஸ்த்வாம்ருஷய: ஸர்வே தே3வர்ஷிர்நாரத3ஸ்ததா2 ।
அஸிதோ தே3வலோ வ்யாஸ: ஸ்வயம் சைவ ப்3ரவீஷி மே ।। 13 ।।
सर्वमेतदृतं मन्ये यन्मां वदसि केशव ।
न हि ते भगवन्व्यक्तिं विदुर्देवा न दानवा: ।। १४ ।।
ஸர்வமேதத்3ருதம் மந்யே யந்மாம் வத3ஸி கேச1வ ।
ந ஹி தே ப4க3வந்வ்யக்திம் விது3ர்தே3வா ந தா3நவா: ।। 14 ।।
स्वयमेवात्मनात्मानं वेत्थ त्वं पुरुषोत्तम ।
भूतभावन भूतेश देवदेव जगत्पते ।। १५ ।।
ஸ்வயமேவாத்மநாத்மாநம் வேத்த2 த்வம் புருஷோத்தம ।
பூ4தபா4வந பூ4தேச1 தே3வதே3வ ஜக3த்பதே ।। 15 ।।
वक्तुमर्हस्यशेषेण दिव्या ह्यात्मविभूतय: ।
याभिर्विभूतिभिर्लोकानिमांस्त्वं व्याप्य तिष्टसि ।। १६ ।।
வக்துமர்ஹஸ்யசே1ஷேண தி3வ்யா ஹ்யாத்மவிபூ4தய: ।
யாபி4 ர்விபூ4திபி4ர்லோகாநிமாம்ஸ்த்வம் வ்யாப்ய திஷ்ட2ஸி ।। 16 ।।
कथं विद्यामहं योगिंस्त्वां सदा परिचिन्तयन् ।
केषु केषु च भावेषु चिन्त्योऽसि भगवन्मया ।। १७ ।।
கத2ம் வித்3யாமஹம் யோகி3ம்ஸ்த்வாம் ஸதா3 பரிசிந்தயந் ।
கேஷு கேஷு ச பா4வேஷு சிந்த்யோऽஸி ப4க3வந்மயா ।। 17 ।।
विस्तरेणात्मनो योगं विभूतिं च जनार्दन ।
भूय: कथय तृप्तिर्हि शृण्वतो नास्ति मेऽमृतम् ।। १८ ।।
விஸ்தரேணாத்மநோ யோக3ம் விபூ4திம் ச ஜநார்த3ந ।
பூ4ய: கத2ய த்ருப்திர்ஹி ச்1ருண்வதோ நாஸ்தி மேऽம்ருதம் ।। 18 ।।
श्रीभगवानुवाच
हन्त ते कथयिष्यामि दिव्या ह्यात्मविभूतय: ।
प्राधान्यत: कुरुश्रेष्ठ नास्त्यनतो विस्तरस्य मे ।। १९ ।।
ஸ்ரீப4க3வாநுவாச
ஹந்த தே கத2யிஷ்யாமி தி3வ்யா ஹ்யாத்மவிபூ4தய: ।
ப்ராதா4ந்யத: குருச்1ரேஷ்ட2 நாஸ்த்யந்தோ விஸ்தரஸ்ய மே ।। 19 ।।
अहमात्मा गुडाकेश सर्वभूताशयस्थित: ।
अहमादिश्च मध्यं च भूतानामन्त एव च ।। २० ।।
அஹமாத்மா கு3டா3கேச1 ஸர்வபூ4தாச1யஸ்தி2த: ।
அஹமாதி3ச்1ச மத்4யம் ச பூ4தாநாமந்த ஏவ ச ।। 20 ।।
आदित्यानामहं विष्णुर्ज्योतिषां रविरंशुमान् ।
मरीचिर्मरुतामस्मि नक्षत्राणामहं शशी ।। २१ ।।
ஆதி3த்யாநாமஹம் விஷ்ணுர்ஜ்யோதிஷாம் ரவிரம்சு1மாந் ।
மரீசிர்மருதாமஸ்மி நக்ஷத்ராணாமஹம் ச1சீ1 ।। 21 ।।
वेदानां सामवेदोऽस्मि देवानामस्मि वासव: ।
इन्द्रियाणां मनश्चास्मि भूतानामस्मि चेतना ।। २२ ।।
வேதா3நாம் ஸாமவேதோ3ऽஸ்மி தே3வாநாமஸ்மி வாஸவ: ।
இந்த்3ரியாணாம் மநச்1சாஸ்மி பூ4தாநாமஸ்மி சேதநா ।। 22 ।।
रुद्राणां शंकरश्चास्मि वित्तेशो यक्षरक्षसाम् ।
वसूनां पावकश्चास्मि मेरु: शिखरिणामहम् ।। २३ ।।
ருத்3ராணாம் ச1ங்கரச்1சாஸ்மி வித்தேசோ1 யக்ஷரக்ஷஸாம் ।
வஸூநாம் பாவகச்1சாஸ்மி மேரு: சி1க2ரிணாமஹம் ।। 23 ।।
पुरोधसां च मुख्यं मां विद्धि पार्थ बृहस्पतिम् ।
सेनानीनामहं स्कन्द: सरसामस्मि सागर: ।। २४ ।।
புரோத4ஸாம் ச முக்2யம் மாம் வித்3தி4 பார்த2 ப்3ருஹஸ்பதிம் ।
ஸேநாநீநாமஹம் ஸ்கந்த3: ஸரஸாமஸ்மி ஸாக3ர: ।। 24 ।।
महर्षीणां भृगुरहं गिरामस्म्येकमक्षरम् ।
यज्ञानां जपयज्ञोऽस्मि स्थावराणां हिमालय: ।। २५ ।।
மஹர்ஷீணாம் ப்4ருகு3ரஹம் கி3ராமஸ்ம்யேகமக்ஷரம் ।
யஜ்ஞாநாம் ஜபயஜ்ஞோऽஸ்மி ஸ்தா2வராணாம் ஹிமாலய: ।। 25 ।।
अश्वत्थ: सर्ववृक्षाणां देवर्षीणां च नारद: ।
गन्धर्वाणां चित्ररथ: सिद्धानां कपिलो मुनि: ।। २६ ।।
அச்1வத்த2: ஸர்வவ்ருக்ஷாணாம் தே3வர்ஷீணாம் ச நாரத3: ।
க3ந்த4ர்வாணாம் சித்ரரத2: ஸித்3தா4நாம் கபிலோ முநி: ।। 26 ।।
उच्चै: श्रवसमश्वानां विद्धि माममृतोद्भवम् ।
ऐरावतं गजेन्द्राणां नाराणां च नराधिपम् ।। २७ ।।
உச்சை: ச்1ரவஸமச்1வாநாம் வித்3தி4 மாமம்ருதோத்3ப4வம் ।
ஐராவதம் க3ஜேந்த்3ராணாம் நராணாம் ச நராதி4பம் ।। 27 ।।
आयुधानामहं वज्रं धेनूनामस्मि कामधुक् ।
प्रजनश्चास्मि कन्दर्प: सर्पाणामस्मि वासुकि: ।। २८ ।।
ஆயுதா4நாமஹம் வஜ்ரம் தே4நூநாமஸ்மி காமது4க் ।
ப்ரஜநச்1சாஸ்மி கந்த3ர்ப: ஸர்பாணாமஸ்மி வாஸுகி: ।। 28 ।।
अनन्तश्चास्मि नागानां वरुणो यादसामहम् ।
पितॄणामर्यमा चास्मि यम: संयमतामहम् ।। २९ ।।
அநந்தச்1சாஸ்மி நாகா3நாம் வருணோ யாத3ஸாமஹம் ।
பித்ரூணாமர்யமா சாஸ்மி யம: ஸம்யமதாமஹம் ।। 29 ।।
प्रह्लादश्चास्मि दैत्यानां काल: कलयतामहम् ।
मृगाणां च मृगेन्द्रोऽहं वैनतेयश्च पक्षिणाम् ।। ३० ।।
ப்ரஹ்லாத3ச்1சாஸ்மி தை3த்யாநாம் கால: கலயதாமஹம் ।
ம்ருகா3ணாம் ச ம்ருகே3ந்த்3ரோऽஹம் வைநதேயச்1ச பக்ஷிணாம் ।। 30 ।।
पवन: पवतामस्मि राम: शस्त्रभृतामहम् ।
झषाणां मकरश्चास्मि स्रोतसामस्मि जाह्नवी ।। ३१ ।।
பவந: பவதாமஸ்மி ராம: ச1ஸ்த்ரப்4ருதாமஹம் ।
ஜ2ஷாணாம் மகரச்1சாஸ்மி ஸ்ரோதஸாமஸ்மி ஜாஹ்நவீ ।। 31 ।।
सर्गाणामादिरन्तश्च मध्यं चैवाहमर्जुन ।
अध्यात्मविद्या विद्यानां वाद: प्रवदतामहम् ।। ३२ ।।
ஸர்கா3ணாமாதி3ரந்தச்1ச மத்4யம் சைவாஹமர்ஜுந ।
அத்4யாத்மவித்3யா வித்3யாநாம் வாத3: ப்ரவத3தாமஹம் ।। 32 ।।
अक्षराणामकारोऽस्मि द्वन्द्व: सामासिकस्य च ।
अहमेवाक्षय: कालो धाताहं विश्वतोमुख: ।। ३३ ।।
அக்ஷராணாமகாரோऽஸ்மி த்3வந்த்3வ: ஸாமாஸிகஸ்ய ச ।
அஹமேவாக்ஷய: காலோ தா4தாஹம் விச்1வதோமுக2: ।। 33 ।।
मृत्यु: सर्वहरश्चाहमुद्भवश्च भविष्यताम् ।
कीर्ति: श्रीर्वाक्च नारीणां स्मृतिर्मेधा धृति: क्षमा ।। ३४ ।।
ம்ருத்யு: ஸர்வஹரச்1சாஹமுத்3ப4வச்1ச ப4விஷ்யதாம் ।
கீர்தி: ஸ்ரீர்வாக்ச நாரீணாம் ஸ்ம்ருதிர்மேதா4 த்4ருதி: க்ஷமா ।। 34 ।।
बृहत्साम तथा साम्नां गायत्री छन्दसामहम् ।
मासानां मार्गशीर्षोऽहमृतूनां कुसुमाकर: ।। ३५ ।।
ப்3ருஹத்ஸாம ததா2 ஸாம்நாம் கா3யத்ரீ ச2ந்த3ஸாமஹம் ।
மாஸாநாம் மார்க3சீ1ர்ஷோऽஹம்ருதூநாம் குஸுமாகர: ।। 35 ।।
द्यूतं छलयतामस्मि तेजस्तेजस्विनामहम् ।
जयोऽस्मि व्यवसायोऽस्मि सत्वं सत्त्ववतामहम् ।। ३६ ।।
த்3யூதம் ச2லயதாமஸ்மி தேஜஸ்தேஜஸ்விநாமஹம் ।
ஜயோऽஸ்மி வ்யவஸாயோऽஸ்மி ஸத்த்வம் ஸத்த்வவதாமஹம் ।। 36 ।।
वृष्णीनां वासुदेवोऽस्मि पाण्डवानां धनंजय: ।
मुनीनामप्यहं व्यास: कवीनामुशना कवि: ।। ३७ ।।
வ்ருஷ்ணீநாம் வாஸுதே3வோऽஸ்மி பாண்ட3வாநாம் த4நஞ்ஜய: ।
முநீநாமப்யஹம் வ்யாஸ: கவீநாமுச1நா கவி: ।। 37 ।।
दण्डो दमयतामस्मि नीतिरस्मि जिगीषताम् ।
मौनं चैवास्मि गुह्यानां ज्ञानं ज्ञानवतामहम् ।। ३८ ।।
த3ண்டோ3 த3மயதாமஸ்மி நீதிரஸ்மி ஜிகீ3ஷதாம் ।
மௌநம் சைவாஸ்மி கு3ஹ்யாநாம் ஜ்ஞாநம் ஜ்ஞாநவதாமஹம் ।। 38 ।।
यच्चापि सर्वभूतानां बीजं तदहमर्जुन ।
न तदस्ति विना यत्स्यान्मया भूतं चराचरम् ।। ३९ ।।
யச்சாபி ஸர்வபூ4தாநாம் பீ3ஜம் தத3ஹமர்ஜுந ।
ந தத3ஸ்தி விநா யத்ஸ்யாந்மயா பூ4தம் சராசரம் ।। 39 ।।
नान्तोऽस्ति मम दिव्यानां विभूतीनां परन्तप ।
एष तूद्देशत: प्रोक्तो विभूतेर्विस्तरो मया ।। ४० ।।
நாந்தோऽஸ்தி மம தி3வ்யாநாம் விபூ4தீநாம் பரந்தப ।
ஏஷ தூத்3தே3ச1த: ப்ரோக்தோ விபூ4தேர்விஸ்தரோ மயா ।। 40 ।।
यद्यद्विभूतिमत्सत्त्वं श्रीमदूर्जितमेव वा ।
तत्तदेवावगच्छ त्वं मम तेजोंऽशसंभवम् ।। ४१ ।।
யத்3யத்3விபூ4திமத்ஸத்த்வம் ஸ்ரீமதூ3ர்ஜிதமேவ வா ।
தத்ததே3வாவக3ச்ச2 த்வம் மம தேஜோம்ऽச1ஸம்ப4வம் ।। 41 ।।
अथवा बहुनैतेन किं ज्ञातेन तवार्जुन ।
विष्टभ्याहमिदं कृत्स्नमेकांशेन स्थितो जगत् ।। ४२ ।।
அத2வா ப3ஹுநைதேந கிம் ஜ்ஞாதேந தவார்ஜுந ।
விஷ்டப்4யாஹமித3ம் க்ருத்ஸ்நமேகாம்சே1ந ஸ்தி2தோ ஜக3த் ।। 42 ।।
ऒं तत्सत् । इति श्रीमद्भगवद्गीतासु उपनिषत्सु ब्रह्मविद्यायां योगशास्त्रे
श्रीकृष्णार्जुनसंवादे विभूतियोगो नाम दशमोऽध्याय: ।।
ஓம் தத் ஸத்। இதி ஶ்ரீமத்3ப4க3வத்3கீ3தாஸு உபநிஷத்ஸு ப்3ரஹ்மவித்3யாயாம் யோக3சா1ஸ்த்ரே ஶ்ரீக்ருஷ்ணார்ஜுனஸம்வாதே3 விபூ4தியோகோ3 நாம த3ச1மோऽத்4யாய: ।।
——————————————————————————————————