தியான யோகம் [ध्यानयोग:]
श्रीभगवानुवाच
अनाश्रित: कर्मफलं कार्यं कर्म करोति य: ।
स सन्न्यासी च योगी च न निरग्निर्न चाक्रिय: ।। १ ।।
ஸ்ரீப4க3வாநுவாச
அநாச்1ரித: கர்மப2லம் கார்யம் கர்ம கரோதி ய: ।
ஸ ஸந்ந்யாஸீ ச யோகீ3 ச ந நிரக்3நிர்ந சாக்ரிய: ।। 1 ।।
यं सन्न्यासमिति प्राहुर्योगं तं विद्धि पाण्डव ।
न ह्यसन्न्यस्तसङ्कल्पो योगी भवति कश्चन ।। २ ।।
யம் ஸந்ந்யாஸமிதி ப்ராஹுர்யோக3ம் தம் வித்3தி4 பாண்ட3வ ।
ந ஹ்யஸந்ந்யஸ்தஸங்கல்போ யோகீ3 ப4வதி கச்1சந ।। 2 ।।
आरुरुक्षोर्मुनेर्योगं कर्म कारणमुच्यते ।
योगारूढस्य तस्यैव शम: कारणमुच्यते ।। ३ ।।
ஆருருக்ஷோர்முநேர்யோக3ம் கர்ம காரணமுச்யதே ।
யோகா3ரூட4ஸ்ய தஸ்யைவ ச1ம: காரணமுச்யதே ।। 3 ।।
यदा हि नेन्द्रियार्थेषु न कर्मस्वनुषज्जते ।
सर्वसङ्कल्पसन्न्यासी योगारूढस्तदोच्यते ।। ४ ।।
யதா3 ஹி நேந்த்3ரியார்தே2ஷு ந கர்மஸ்வநுஷஜ்ஜதே ।
ஸர்வஸங்கல்பஸந்ந்யாஸீ யோகா3ரூட4ஸ்ததோ3ச்யதே ।। 4 ।।
उद्धरेदात्मनात्मानं नात्मानमवसादयेत् ।
आत्मैव ह्यात्मनो बन्धुरात्मैव रिपुरात्मन: ।। ५ ।।
உத்3த4ரேதா3த்மநாத்மாநம் நாத்மாநமவஸாத3யேத் ।
ஆத்மைவ ஹ்யாத்மநோ ப3ந்து4ராத்மைவ ரிபுராத்மந : ।। 5 ।।
बन्धुरात्मात्मनस्तस्य येनात्मैवात्मना जित: ।
अनात्मनस्तु शत्रुत्वे वर्तेतात्मैव शत्रुवत् ।। ६ ।।
ப3ந்து4ராத்மாத்மநஸ்தஸ்ய யேநாத்மைவாத்மநா ஜித : ।
அநாத்மநஸ்து ச1த்ருத்வே வர்தேதாத்மைவ ச1த்ருவத் ।। 6 ।।
जितात्मन: प्रशान्तस्य परमात्मा समाहित: ।
शीतोष्णसुखदु:खेषु तथा मानापमानयो: ।। ७ ।।
ஜிதாத்மந: ப்ரசா1ந்தஸ்ய பரமாத்மா ஸமாஹித: ।
சீ1தோஷ்ணஸுக2து3:கே2ஷு ததா2 மாநாபமாநயோ: ।। 7 ।।
ज्ञानविज्ञानतृप्तात्मा कूटस्थो विजितेन्द्रिय: ।
युक्त इत्युच्यते योगी समलोष्टाश्मकाञ्चन: ।। ८ ।।
ஜ்ஞாநவிஜ்ஞாநத்ருப்தாத்மா கூடஸ்தோ2 விஜிதேந்த்3ரிய: ।
யுக்த இத்யுச்யதே யோகீ3 ஸமலோஷ்டாச்1மகாஞ்சந: ।। 8 ।।
सुहृन्मित्रार्युदासीनमध्यस्थद्वेष्यबन्धुषु ।
साधुष्वपि च पापेषु समबुद्धिर्विशिष्यते ।। ९ ।।
ஸுஹ்ருந்மித்ரார்யுதா3ஸீநமத்4யஸ்த2த்3வேஷ்யப3ந்து4ஷு ।
ஸாது4ஷ்வபி ச பாபேஷு ஸமபு3த்3தி4ர்விசி1ஷ்யதே ।। 9 ।।
योगी युञ्जीत सततमात्मानं रहसि स्थित: ।
एकाकी यतचित्तात्मा निराशीरपरिग्रह: ।। १० ।।
யோகீ3 யுஞ்ஜீத ஸததமாத்மாநம் ரஹஸி ஸ்தி2த: ।
ஏகாகீ யதசித்தாத்மா நிராசீ2ரபரிக்3ரஹ: ।। 10 ।।
शुचौ देशे प्रतिष्ठाप्य स्थिरमासनमात्मन: ।
नात्युच्छ्रितं नातिनीचं चैलाजिनकुशोत्तरम् ।। ११ ।।
சு1சௌ தே3சே1 ப்ரதிஷ்டா2ப்ய ஸ்தி2ரமாஸநமாத்மந: ।
நாத்யுச்ச்2ரிதம் நாதிநீசம் சைலாஜிநகுசோ1த்தரம் ।। 11 ।।
तत्रैकाग्रं मन: कृत्वा यतचित्तेन्दियक्रिय: ।
उपविश्यासने युञ्ज्याद्योगमात्मविशुद्धये ।। १२ ।।
தத்ரைகாக்3ரம் மந: க்ருத்வா யதசித்தேந்த்3ரியக்ரிய: ।
உபவிச்1யாஸநே யுஞ்ஜ்யாத்3யோக3மாத்மவிசு1த்3த4யே ।। 12 ।।
समं कायशिरोग्रीवं धारयन्नचलंस्थिर: ।
सम्प्रेक्ष्य नासिकाग्रं स्वं दिशश्चानवलोकयन् ।। १३ ।।
ஸமம் காயசி1ரோக்3ரீவம் தா4ரயந்நசலம் ஸ்தி2ர: ।
ஸம்ப்ரேக்ஷ்ய நாஸிகாக்3ரம் ஸ்வம் தி3ச1ச்1சாநவலோகயந் ।। 13 ।।
प्रशान्तात्मा विगतभीर्ब्रह्मचारिव्रते स्थित: ।
मन: संयम्य मच्चित्तो युक्त अासीत मत्पर: ।। १४ ।।
ப்ரசா1ந்தாத்மா விக3தபீ4ர்ப்3ரஹ்மசாரிவ்ரதே ஸ்தி2த: ।
மந: ஸம்யம்ய மச்சித்தோ யுக்த ஆஸீத மத்பர: ।। 14 ।।
युञ्जन्नेवं सदात्मानं योगी नियतमानस: ।
शान्तिं निर्वाणपरमां मत्संस्थामधिगच्छति ।। १५ ।।
யுஞ்ஜந்நேவம் ஸதா3த்மாநம் யோகீ3 நியதமாநஸ: ।
சா1ந்திம் நிர்வாணபரமாம் மத்ஸம்ஸ்தா2மதி4க3ச்ச2தி ।। 15 ।।
नात्यश्नतस्तु योगोऽस्ति न चैकान्तमनश्नत: ।
नचातिस्वप्नशीलस्य जाग्रतो नैव चार्जुन ।। १६ ।।
நாத்யச்1நதஸ்து யோகோ3ऽஸ்தி ந சைகாந்தமநச்1நத: ।
ந சாதிஸ்வப்நசீ1லஸ்ய ஜாக்3ரதோ நைவ சார்ஜுந ।। 16 ।।
युक्ताहारविहारस्य युक्तचेष्टस्य कर्मसु ।
युक्तस्वप्नावबोधस्य योगो भवति दु:खहा ।। १७ ।।
யுக்தாஹாரவிஹாரஸ்ய யுக்தசேஷ்டஸ்ய கர்மஸு ।
யுக்தஸ்வப்நாவபோ3த4ஸ்ய யோகோ3 ப4வதி து3:க2ஹா ।। 17 ।।
यदा विनियतं चित्तमात्मन्येवावतिष्ठते ।
नि:स्पृह: सर्वकामेभ्यो युक्त इत्युच्यते तदा ।। १८ ।।
யதா3 விநியதம் சித்தமாத்மந்யேவாவதிஷ்ட2தே ।
நி:ஸ்ப்ருஹ: ஸர்வகாமேப்4யோ யுக்த இத்யுச்யதே ததா3 ।। 18 ।।
यथा दीपो निवातस्थो नेङ्गते सोपमा स्मृता ।
योगिनो यतचित्तस्य युञ्जतो योगमात्मन: ।। १९ ।।
யதா2 தீ3போ நிவாதஸ்தோ2 நேங்க3தே ஸோபமா ஸ்ம்ருதா
யோகி3நோ யதசித்தஸ்ய யுஞ்ஜதோ யோக3மாத்மந: ।। 19 ।।
यत्रोपरमते चित्तं निरुद्धं योगसेवया ।
यत्र चैवात्मनात्मानं पश्यन्नात्मनि तुष्यति ।। २० ।।
யத்ரோபரமதே சித்தம் நிருத்3த4ம் யோக3ஸேவயா ।
யத்ர சைவாத்மநாத்மாநம் பச்1யந்நாத்மநி துஷ்யதி ।। 20 ।।
सुखमात्यन्तिकं यत्तद्बुद्धिग्राह्यमतीन्द्रियम् ।
वेत्ति यत्र न चैवायं स्थितश्चलति तत्त्वत: ।। २१ ।।
ஸுக2மாத்யந்திகம் யத்தத்3பு3த்3தி4க்3ராஹ்யமதீந்த்3ரியம் ।
வேத்தி யத்ர ந சைவாயம் ஸ்தி2தச்1சலதி தத்த்வத: ।। 21 ।।
यं लब्ध्वा चापरं लाभं मन्यते नाधिकं तत: ।
यस्मिन् स्थितो न दु:खेन गुरुणापि विचाल्यते ।। २२ ।।
யம் லப்3த்4வா சாபரம் லாப4ம் மந்யதே நாதி4கம் தத: ।
யஸ்மிந்ஸ்தி2தோ ந து3:கே2ந கு3ருணாபி விசால்யதே ।। 22 ।।
तं विद्याद् दु:खसंयोगवियोगं योगसञ्ज्ञितम् ।
स निश्चयेन योक्तव्यो योगोऽनिर्विण्णचेतसा ।। २३ ।।
தம் வித்3யாத்3து3:க2ஸம்யோக3வியோக3ம் யோக3ஸம்ஜ்ஞிதம் ।
ஸ நிச்1சயேந யோக்தவ்யோ யோகோ3ऽநிர்விண்ணசேதஸா ।। 23 ।।
सङ्कल्पप्रभवान् कामांस्त्यक्त्वा सर्वानशेषत: ।
मनसैवेन्द्रियग्रामं विनियम्य समन्तत: ।। २४ ।।
ஸங்கல்பப்ரப4வாந்காமாம்ஸ்த்யக்த்வா ஸர்வாநசே1ஷத: ।
மநஸைவேந்த்3ரியக்3ராமம் விநியம்ய ஸமந்தத: ।। 24 ।।
शनै: शनैरुपरमेद् बुद्ध्या धृतिगृहीतया ।
आत्मसंस्थं मन: कृत्वा न किञ्चिदपि चिन्तयेत् ।। २५ ।।
ச1நை: ச1நைருபரமேத்3பு3த்3த்4யா த்4ருதிக்3ருஹீதயா ।
ஆத்மஸம்ஸ்த2ம் மந: க்ருத்வா ந கிஞ்சித3பி சிந்தயேத் ।। 25 ।।
यतो यतो निश्चरति मनश्चञ्चलमस्थिरम् ।
ततस्ततो नियम्यैतत्दात्मन्येव वशं नयेत् ।। २६ ।।
யதோ யதோ நிச்1சரதி மநச்1சஞ்சலமஸ்தி2ரம் ।
ததஸ்ததோ நியம்யைததா3த்மந்யேவ வச1ம் நயேத் ।। 26 ।।
प्रशान्तमनसं ह्येनं योगिनं सुखमुत्तमम् ।
उपैति शान्तरजसं ब्रह्मभूतमकल्मषम् ।। २७ ।।
ப்ரச1ந்தமநஸம் ஹ்யேநம் யோகி3நம் ஸுக2முத்தமம் ।
உபைதி சா1ந்தரஜஸம் ப்3ரஹ்மபூ4தமகல்மஷம் ।। 27 ।।
युञ्जन्नेवं सदात्मानं योगी विगतकल्मष: ।
सुखेन ब्रह्मसंस्पर्शमत्यन्तं सुखमश्नुते ।। २८ ।।
யுஞ்ஜந்நேவம் ஸதா3த்மாநம் யோகீ3 விக3தகல்மஷ: ।
ஸுகே2ந ப்3ரஹ்மஸம்ஸ்பர்ச1மத்யந்தம் ஸுக2மச்1நுதே ।। 28 ।।
सर्वभूतस्थमात्मानं सर्वभूतानि चात्मनि ।
ईक्षते योगयुक्तात्मा सर्वत्र समदर्शन: ।। २९ ।।
ஸர்வபூ4தஸ்த2மாத்மாநம் ஸர்வபூ4தாநி சாத்மநி ।
ஈக்ஷதே யோக3யுக்தாத்மா ஸர்வத்ர ஸமத3ர்ச1ந: ।। 29 ।।
यो मां पश्यति सर्वत्र सर्वं च मयि पश्यति ।
तस्याहं न प्रणश्यामि स च मे न प्रणश्यति ।। ३० ।।
யோ மாம் பச்1யதி ஸர்வத்ர ஸர்வம் ச மயி பச்1யதி ।
தஸ்யாஹம் ந ப்ரணச்1யாமி ஸ ச மே ந ப்ரணச்1யதி ।। 30 ।।
सर्वभूतस्थितं यो मां भजत्येकत्वमास्थित: ।
सर्वथा वर्तमानोऽपि स योगी मयि वर्तते ।। ३१ ।।
ஸர்வபூ4தஸ்தி2தம் யோ மாம் ப4ஜத்யேகத்வமாஸ்தி2த: ।
ஸர்வதா2 வர்தமாநோऽபி ஸ யோகீ3 மயி வர்ததே ।। 31 ।।
आत्मौपम्येन सर्वत्र समं पश्यति योऽर्जुन ।
सुखं वा यदि वा दु:खं स योगी परमो मत: ।। ३२ ।।
ஆத்மௌபம்யேந ஸர்வத்ர ஸமம் பச்1யதி யோऽர்ஜுந ।
ஸுக2ம் வா யதி3 வா து3:க2ம் ஸ யோகீ3 பரமோ மத: ।। 32 ।।
अर्जुन उवाच
योऽयं योगस्त्वया प्रोक्त: साम्येन मधुसूदन ।
एतस्याहं न पश्यामि चञ्चलत्वात्स्थितिं स्थिराम् ।। ३३ ।।
அர்ஜுந உவாச
யோऽயம் யோக3ஸ்த்வயா ப்ரோக்த: ஸாம்யேந மது4ஸூத3ந ।
ஏதஸ்யாஹம் ந பச்1யாமி சஞ்சலத்வாத்ஸ்தி2திம் ஸ்தி2ராம் ।। 33 ।।
चञ्चलं हि मन: कृष्ण प्रमाथि बलवद्दृढम् ।
तस्याहं निग्रहं मन्ये वायोरिव सुदुष्करम् ।। ३४ ।।
சஞ்சலம் ஹி மந: க்ருஷ்ண ப்ரமாதி2 ப3லவத்3த்3ருட4ம் ।
தஸ்யாஹம் நிக்3ரஹம் மந்யே வாயோரிவ ஸுது3ஷ்கரம் ।। 34 ।।
श्रीभगवानुवाच
असंशयं महाबाहो मनो दुर्निग्रहं चलम् ।
अभ्यासेन तु कौन्तेय वैराग्येण च गृह्यते ।। ३५ ।।
ஸ்ரீப4க3வாநுவாச
அஸம்ச1யம் மஹாபா3ஹோ மநோ து3ர்நிக்3ரஹம் சலம் ।
அப்4யாஸேந து கௌந்தேய வைராக்3யேண ச க்3ருஹ்யதே ।। 35 ।।
असंयतात्मना योगो दुष्प्राप इति मे मति: ।
वश्यात्मना तु यतता शक्योऽवाप्तुमुपायत: ।। ३६ ।।
அஸம்யதாத்மநா யோகோ3 து3ஷ்ப்ராப இதி மே மதி: ।
வச்1யாத்மநா து யததா ச1க்யோऽவாப்துமுபாயத: ।। 36 ।।
अर्जुन उवाच
अयति: श्रध्दयोपेतो योगाच्चलितमानस: ।
अप्राप्य योगसंसिध्दिं कां गतिं कृष्ण गच्छति ।। ३७ ।।
அர்ஜுந உவாச
அயதி: ச்1ரத்3த4யோபேதோ யோகா3ச்சலிதமாநஸ: ।
அப்ராப்ய யோக3ஸம்ஸித்3தி4ம் காம் க3திம் க்ருஷ்ண க3ச்ச2தி ।। 37 ।।
कच्चिन्नोभयविभ्रष्टश्छिन्नाभ्रमिव नश्यति ।
अप्रतिष्ठो महाबाहो विमूढो ब्रह्मण: पथि ।। ३८ ।।
கச்சிந்நோப4யவிப்4ரஷ்டச்1சி2ந்நாப்4ரமிவ நச்1யதி ।
அப்ரதிஷ்டோ2 மஹாபா3ஹோ விமூடோ4 ப்3ரஹ்மண: பதி2 ।। 38 ।।
एतन्मे संशयं कृष्ण छेत्तुमर्हस्यशेषत: ।
त्वदन्य: संशयस्यास्य छेत्ता न ह्युपपद्यते ।। ३९ ।।
ஏதந்மே ஸம்ச1யம் க்ருஷ்ண சே2த்துமர்ஹஸ்யசே1ஷத: ।
த்வத3ந்ய: ஸம்ச1யஸ்யாஸ்ய சே2த்தா ந ஹ்யுபபத்3யதே ।। 39 ।।
श्रीभगवानुवाच
पार्थ नैवेह नामुत्र विनाशस्तस्य विद्यते ।
न हि कल्याणकृत्कश्चिद्दुर्गतिं तात गच्छति ।। ४० ।।
ஸ்ரீப4க3வாநுவாச
பார்த2 நைவேஹ நாமுத்ர விநாச1ஸ்தஸ்ய வித்3யதே ।
ந ஹி கல்யாணக்ருத்கச்1சித்3து3ர்க3திம் தாத க3ச்ச2தி ।। 40 ।।
प्राप्य पुण्यकृतां लोकानुषित्वा शाश्वती: समा: ।
शुचीनां श्रीमतां गेहे योगभ्रष्टोऽभिजायते ।। ४१ ।।
ப்ராப்ய புண்யக்ருதாம் லோகாநுஷித்வா சா1ச்1வதீ: ஸமா: ।
சு1சீநாம் ஸ்ரீமதாம் கே3ஹே யோக3ப்4ரஷ்டோऽபி4ஜாயதே ।। 41 ।।
अथवा योगिनामेव कुले भवति धीमताम् ।
एतद्धि दुर्लभतरं लोके जन्म यदीदृशम् ।। ४२ ।।
அத2வா யோகி3நாமேவ குலே ப4வதி தீ4மதாம் ।
ஏதத்3தி4 து3ர்லப4தரம் லோகே ஜந்ம யதீ3த்3ருச1ம் ।। 42 ।।
तत्र तं बुद्धिसंयोगं लभते पौर्वदेहिकम्।
यतते च ततो भूय: संसिद्धिौ कुरुनन्दन ।। ४३ ।।
தத்ர தம் பு3த்3தி4ஸம்யோக3ம் லப4தே பௌர்வதே3ஹிகம் ।
யததே ச ததோ பூ4ய: ஸம்ஸித்3தௌ4 குருநந்த3ந ।। 43 ।।
पूर्वाभ्यासेन तेनैव ह्रियते ह्यवशोऽपि स: ।
जिज्ञासुरपि योगस्य शब्दब्रह्मातिवर्तते ।। ४४ ।।
பூர்வாப்4யாஸேந தேநைவ ஹ்ரியதே ஹ்யவசோ1ऽபி ஸ: ।
ஜிஜ்ஞாஸுரபி யோக3ஸ்ய ச1ப்3த3ப்3ரஹ்மாதிவர்ததே ।। 44 ।।
प्रयत्नाद्यतमानस्तु योगी संशुद्धकिल्बिष: ।
अनेकजन्मसंसिद्धस्ततो याति परां गतिम् ।। ४५ ।।
ப்ரயத்நாத்3யதமாநஸ்து யோகீ3 ஸம்சு1த்3த4கில்பி3ஷ: ।
அநேகஜந்மஸம்ஸித்3த4ஸ்ததோ யாதி பராம் க3திம் ।। 45 ।।
तपस्विभ्योऽधिको योगी ज्ञानिभ्योऽपि मतोऽधिक: ।
कर्मिभ्यश्चाधिको योगी तस्माद्योगी भवार्जुन ।। ४६ ।।
தபஸ்விப்4யோऽதி4கோ யோகீ3 ஜ்ஞாநிப்4யோऽபி மதோऽதி4க: ।
கர்மிப்4யச்1சாதி4கோ யோகீ3 தஸ்மாத்3யோகீ3 ப4வார்ஜுந ।। 46 ।।
योगिनामपि सर्वेषां मद्गतेनान्तरात्मना ।
श्रद्धावान्भजते यो मां स मे युक्ततमो मत: ।। ४७ ।।
யோகி3நாமபி ஸர்வேஷாம் மத்3க3தேநாந்தராத்மநா ।
ச்1ரத்3தா4வாந்ப4ஜதே யோ மாம் ஸ மே யுக்ததமோ மத: ।। 47 ।।
ऒं तत्सत् । इति श्रीमद्भगवद्गीतासु उपनिषत्सु ब्रह्मविद्यायां योगशास्त्रे
श्रीकृष्णार्जुनसंवादे ध्यानयोगो नाम षष्ठोऽध्याय: ।।
ஓம் தத் ஸத் । இதி ஶ்ரீமத்3ப4க3வத்3கீ3தாஸு உபநிஷத்ஸு ப்3ரஹ்மவித்3யாயாம் யோக3சா1ஸ்த்ரே ஶ்ரீக்ருஷ்ணார்ஜுனஸம்வாதே3 த்4யாநயோகோ3 நாம ஷஷ்டோ2ऽத்4யாய: ।।
———————————————————————————————————————————————————————